كتبت / عزة سيد نجيب
دي مش حكاية من فيلم درامي.. دي واحدة من أصعب الحكايات اللي اتروت عن الفنانة شادية، دلوعة السينما المصرية، اللي رسمت البهجة على وشوش الملايين، رغم إن حياتها الشخصية كانت بتخبي وجع محدش كان شايفه.
الحكاية بدأت من حلم بسيط كانت شادية بتتمناه زي أي ست.. إنها تبقى أم، وتعيش حياة أسرية مستقرة، لكن بحسب رواية الفنان الراحل سمير صبري، شادية مرت بتجربة حمل أكتر من مرة خلال زواجها من الفنان صلاح ذو الفقار، لكن الحمل ما اكتملش، وده كان جـ.ـرح كبير في قلبها.
وكان أخوها الأصغر طاهر أقرب إنسان ليها، وكانت بتعامله كأنه ابنها، وكأنه التعويض عن حلم الأمومة اللي ما تحققش.
لكن الصدمات ما وقفتش عند كده.
سمير صبري حكى إن شادية اتقال لها إنها مصـ.ـابة بتعب خـ.ـطير في الثـ.ـدي، وبناءً على التشخيص ده خضعت لعملية استئـ.ـصال، وبعدها سافرت لأمريكا علشان تعمل فحوصات تانية.
وهناك، بحسب كلامه، كانت المفاجأة اللي قلبت كل الموازين، لإنها اكتشفت إن التشخيص الأول كان خاطئ، وإنها ما كانتش مصـ.ـابة بأى تعب زي ما اتقال لها!
تخيل إنسانة مرت بكل الخـ.ـوف والألم ده، وبعدها تكتشف إن التجربة اللي عاشتها كان ممكن ما تحصلش بالشكل ده!
ومع رحيل أخوها طاهر، وتراكم التجارب الصعبة، بدأت شادية تعيد حساباتها، وتبعد تدريجيًا عن الفن والأضواء، لحد ما اختارت طريق العبادة والتقرب من ربنا، واعتزلت الفن رغم إنها كانت في قمة مكانتها.
يمكن الجمهور شاف شادية نجمة بتضحك وتغني، لكن قليلين اللي عرفوا حكاية الإنسانة اللي كانت ورا النجمة.
- فهل اعتزال شادية كان مجرد قرار فني.. ولا كان بداية لحياة اختارت فيها تدور على السلام اللي افتقدته سنين طويلة؟
