سحر الشريف 
كتب / عصام الدقن
أخيرا جه وقتك!
الرئيس السيسي النهاردة قال حاجة للدكتور أسامة الأزهري
يا دكتور أسامة اللي مش شايف شغله يعمل إيه؟
– يكون صادق يا فندم!
لأ اللي مش شايف شغله يسيب المنصب ويمشي يا دكتور أسامة!
الحوار ده
اللجان اعتبرته هدية كبيرة عشان ياكلوا بيها عيش
المضحك أن اللجان بأنواعها “المؤيدة والمعارضة”
استغلت الموقف اللي دار بين الرئيس ووزير الأوقاف
ف اللجان اللي “بتهلل” عمياني كده من غير ما تحاول تفكر أو تبقى موضوعية..بدأوا دلوقتي يشمتوا في
د. أسامة الأزهري ويلوحوا بأنه ارتبك أول ما الريس قاله كده! … تخيل!
واللجان اللي كده كده حاقدة على بلدنا وقاعدة مترصدة
وخصوصا للناس المخلصة خدوا الموقف واشتغلوا عليه بطريقتهم برضو!
اللافت أن الرئيس السيسي النهاردة كلم السيد وزير الداخلية وقاله “يامحمود” وكلم السيد وزير الخارجية وقاله “يابدر”
ولما جه يكلم وزير الأوقاف قاله “يادكتور أسامة”
وده مش تقليل من وزير الداخلية ولا الخارجية.. قد ما هو نظرة مختلفة لطبيعة كل وزير
دول وزاراء على الأرض وبتوع معارك أمنية وسياسية.. لكن ده وزير عالم بتاع قال الله وقال الرسول .. والرئيس السيسي دايما بيجل ويقدر كل ما له علاقة بال
أخيرا جه وقتك!
الرئيس السيسي النهاردة قال حاجة للدكتور أسامة الأزهري
يا دكتور أسامة اللي مش شايف شغله يعمل إيه؟
– يكون صادق يا فندم!
لأ اللي مش شايف شغله يسيب المنصب ويمشي يا دكتور أسامة!
الحوار ده
اللجان اعتبرته هدية كبيرة عشان ياكلوا بيها عيش
المضحك أن اللجان بأنواعها “المؤيدة والمعارضة”
استغلت الموقف اللي دار بين الرئيس ووزير الأوقاف
ف اللجان اللي “بتهلل” عمياني كده من غير ما تحاول تفكر أو تبقى موضوعية..بدأوا دلوقتي يشمتوا في
د. أسامة الأزهري ويلوحوا بأنه ارتبك أول ما الريس قاله كده! … تخيل!
واللجان اللي كده كده حاقدة على بلدنا وقاعدة مترصدة
وخصوصا للناس المخلصة خدوا الموقف واشتغلوا عليه بطريقتهم برضو!
اللافت أن الرئيس السيسي النهاردة كلم السيد وزير الداخلية وقاله “يامحمود” وكلم السيد وزير الخارجية وقاله “يابدر”
ولما جه يكلم وزير الأوقاف قاله “يادكتور أسامة”
وده مش تقليل من وزير الداخلية ولا الخارجية.. قد ما هو نظرة مختلفة لطبيعة كل وزير
دول وزاراء على الأرض وبتوع معارك أمنية وسياسية.. لكن ده وزير عالم بتاع قال الله وقال الرسول .. والرئيس السيسي دايما بيجل ويقدر كل ما له علاقة بالأديان!
فتلاقيه دايما يقول قداسة البابا وفضيلة الإمام
لكن وارد يكلم وزير باسمه عادي
بس البعدا مصميين على كلامهم وأن وزير الأوقاف هيطير خلاص في التغيير الجاي!
طيب خليني أقولك كلمتين تقدر من خلالهم تكون انطباع وتتوقع أن الدكتور أسامة الأزهري هيمشي ولا هيكمل!
في أقل من سنتين تقريبا :
– قدر يرجع هيبة وزارة الأوقاف تاني بعد حالة “الروتين” اللي كانت عايشة فيها بقالها ١٠ سنين
– قدر يدي مساحة للخطباء من خلال تطوير منظومة خطبة الجمعة وبقينا نسمع الخطباء بيتنفسوا ويتكلموا عن قضايا المجتمع بعد ما كانوا “شغالين لايكات وكومنتات” والزملاء اللي في الملف الديني فاهمين ما أعنيه!
– قدر يجمع الأزهر الشريف ودار الإفتاء ووزارة الأوقاف على طاولة واحدة تمثل هوية مصر الدينية والمنهج الوسطي المعتدل بعد ما كان فيه فجوة بينهم
– قدر يرجع أهم أداة من أدوات قوتنا الناعمة وهو “المدرسة المصرية” لتلاوة القرآن الكريم من خلال برنامج دولة التلاوة
– قدر يغير شكل الخطاب الديني من خلال السوشيال ميديا والمنابر ويشتبك مع الترند وملفات المجتمع وعلى رأس الجهود دي مبادرة “صحح مفاهيمك”
– بقينا نشوف الناس بتجري على وزير الأوقاف وتتصور معاه كأنه نجم عالمي ودولي.. وادخلوا شوفوا صور الناس معاه بعد افتتاح مسجد العزيز الحكيم!
🟥 أقولك حاجة أعمق من كل ده؟
عارف ليه الدكتور أسامة الأزهري بيتهاجم كده من اللجان؟
مرة يتهاجم عشان راح العلمين
ومرة عشان حد باس إيده
ومره عشان ماسك سبحة كبيرة
ومرة عشان طفل صغير بيحبه ومدحه ببيتين شعر
ومش هيسيبوه
لأنه ببساطة بيشتغل شغل حقيقي
مش شغل “الخطبة ٥ دقايق” وكل ما نفتتح مسجد نعمله زفة بلدي
وكل ما يطلع المنبر يخطبلنا من “مختارات الجمعة” وأهمية احترام موظفين الوحدة المحلية والانتماء لشارع فيصل!
الدكتور أسامة الأزهري ما اتوجهلوش النهاردة كلام عشان هيمشي … ابسلوتلي
اتوجهله كلام النهاردة عشان بيتضرب بيه المثل
واللي مش واخد باله ياخد باله
من وجهة نظري شايف أن أول مرة يبقى فيه عندنا وزير أوقاف حقيقي وفي مكانه الصح آخر ١٥ سنة
ونقدر نقول فعلا … أخيرا جه وقتك يا دكتور أسامة!
وأنا مش بدافع عنه أبدا
أنا بتكلم بشكل منصف وشهادة حق .. قد أكون مخطئ
About The Author
