سحر الشريف 
كتب / عصام ابو دقن
صعيدية أبًا عن جد وعن أبيدها 91 سنة.. ماشاء الله.؟. والصلاة أهم حاجة في حياتها…
واتجوزت “جواز صالونات حيث” من أُنسي ساويرس لكن بعدها ابتدت قصة حبهم،
وقال انسي عنها
“يسرية أجمل صفقة في حياتي”.
ولادها أغنى 3 في تاريخ مصر …؟
وعندها 13 حفيد وحفيدة..
وثروتها بالمليارات ..؟
وجمعتها من تدوير ال
زبالة..؟
ايه حكاية الهانم يسرية لوزة..
أغنى ست فى تاريخ مصر ..؟
صعيديه يوم 31 ديسمير سنة 35 ..
اتولدت في مدينة منفلوط بأسيوط…
وباباها كان “محامي”..
وشافت حبيب العمر “أُنسي” …
لأول مرة في أواخر سنة 52…
واتخطبوا واتجوزوا بعد كام شهر..
وجوزهم كان بالصدفة…؟
ف يوم…
أنسي كان سهران مع صاحب عمره “فتحي جورج” واللي كان لسه عريس جديد..
وفضل فتحي طول الليل …
يقنعه بحلاوة الجواز..؟
ورشحله بنت عمه “يسرية”.
والجوازة تمت..
وعاشوا في سوهاج الأول..
وبعدين سنتين في أسيوط..
لحد ما جم القاهرة سنة 56.
ويسرية … مطلبتش أي حاجة من أنسي ..؟
غير إنها تكمل تعليمها ويبقى معاها شهادة.
وف القاهرة …
ربنا فتحها على “أنسي ساويرس”
من وسع، والفلوس ابتدت تجري في إيده.
بس فجأة..
جمال عبد الناصر بيبتدي التأميم والأسرة بقت على الحديدة.
وفي اللحظة دي …
“أنسي” بيسيب مصر كلها..؟
- ويسافر يشتغل في ليبيا ..؟
سنين طويلة.. ويسرية بتشيل المسئولية ..؟
وهي اللي بتربي ولادهم..
نجيب وسميح وناصف.
وكانت حريصة تاخدهم الكنيسة…
كل يوم حد… يصلوا..
وعلمتهم يخافوا من ربنا …
ويحبوه ويحبوا كل الناس..
والأهم يبقوا صادقين …
ومجتهدين في شغلهم…
وبعد شوية الأسرة حالها بيتغير..
وأنسي بيرجع مصر تاني ..؟
ويبتدي الإمبراطورية الاقتصادية…
ل آل ساويرس من تاني….
وودلاهم كمان…
شقوا طريقهم..
وف الفترة دي..
يسرية كملت تعليمها..؟
وخدت الشهادة الجامعية..
وبعد شوية قررت تبدأ شغلها الخاص..؟
والمفاجأة ….
لما قررت تشتغل في تدوير القمامة…؟
واختارت البزنيس ده .. لسببين..؟
أول حاجة ..
تغير حياة الآلاف من جامعي القمامة..
والتاني تحقق ربح..؟
من مصدر جديد ومختلف…؟
وابتدت شغل على الأرض ..
وبقت إمبراطورة تجميع القمامة .. في مصر.. ؟ وشغال معاها عشرات الآلاف..
رجالة وستات…
وحي الزبالين في القاهرة …
المملكة الخاصة للست يسرية…؟
والكل هناك بيسموها “الهانم”.
والهانم كانت…
كل جمعة بتاخد ولادها للحي…؟
وطبعا كانوا بيبقوا متضايقين..؟
من الريحة..؟
وعايزين يلعبوا في النادي…
أو يخرجوا…
وف يوم نجيب سألها:
ليه كدا يا ماما؟
فردت وقالت:
“عشان تشوفوا الناس عايشة إزاي ..؟
وإحنا عايشين إزاي…؟
فتشكروا ربنا على النعمة..
وتفكروا لما تكبروا…
هتعملوا إيه للناس دي..؟
” ولما البزنس زاد …
عملت شركة
“ارتقاء” لجمع وتدوير القمامة..
وبقت أكبر مُصدر لمخلفات الزبالة
.. لبعض الدول وعلى راسها الصين….؟
وعملت مصنع
لإنتاج .. وتعليب ..وتصدير.. لحوم الخنازير…
وكمان مصنع…
لتحويل مخلفات القمامة العضوية لسماد..
ومصنع للطوب الأسمنتى والبلاستيك..
ومصانع … للحليّ والأنتيكات من علب البيبسي ومخلفات المطاعم والكافيهات..؟
ومعظم مكسبها…
مخصصاه لعمل الخير…؟
فمثلا .. بتتبرع بـ100 ألف جنيه..؟
لكل مريض فقير محتاج لزراعة كبد…؟
فى مركز جراحة الجهاز الهضمى ..
بجامعة المنصورة ..
وحجم تبرعاتها ل مستشفى جامعة المنصورة وصل ل 25 مليون جنيه.
وناس كتير متعرفش…
إن الست يسرية عندها …
مطعم بيأكل الفقراء مجانا.
ومبتفرقش بين مسلم ومسيحي.
ومن بين 580 عملية زراعة كبد…
اتبرعت بتكلفتهم…..
كان فيه حالة واحدة بس لمريض مسيحي!
وف حي الزبالين ..
عملت .. مدرسة ..ومستشفى… لولاد العاملين في جمع القمامة..
وعالجت 20 ألف مريض من فيروس سي.
ونتيجة فعل الخير …
ربنا دايما مع أسرة يسرية..
ولما الإخوان لفقوا لهم قضية تهرب من الضرايب..؟ كانت أصعب أيام حياتهم..
بس الأزمة مستمرتش..؟
وانتهت على طول…؟
ومع إن الست يسرية لوزة ..
خدت جوايز محلية ودولية كتير..
دايما بتقول
“أنا خايفة كل الجوايز دي.. تقلل رصيدي في السما”…؟
كل التحية لهذه السيدة العظيمة.
About The Author
