سحر الشريف 
بقلم د/ ليلي طاهر
ومتستهلكش نفسك في معارك خسرانه
خليك دايما فاهم, ومحدد طريقك وشايف هدفك.
مش كل حاجة تستاهل تعبك,
ولا كل وجع لازم ترد عليه.
أتعب لنفسك واللي فعلاً منك
اختار معاركك بعقلك قبل قلبك
ومتدخلش في حاجة مش تبعك
ومتحاربش في سكة مش بتاعتك
أصل فيه حروب بتستهلكك ومبتكسبش فيها غير وجعك وألمك.
أختار حربك, واختار اللي يحارب جنبك,
أختار اللي ميهونش عليه وجعك
واللي شايف حياته فيك ومنك.
خليك مع الناس اللي وجودهم يطمنك
هما اللي يستاهلوا حربك
وأبعد عن الناس اللي وجودهم يستنزفك
دول ميستاهلوش يبقوا جنبك
وأختار اللي يكون جنبك في قوتك وحتي في ضعفك
مش عيب اننا نتعب أو نقع, العيب اننا منقفش تاني
والحكمة أنك تكسب ومتقعش أبداً تاني
والحكمة أنك تعرف أمتي تنسحب من الميدان,
أنت إنسان, مش لازم تبقي دايما تبقي كسبان,
عادي إنك تطلع في جولة خسران,
المهم أنك تطلع سليم, مش متدمر وتعبان.
خليك دايما كسبان, واختر راحتك
مفيش حد اختار راحته وطلع خسران.
خلي سلامك هو إنتصارك, وهو أمانك
About The Author
