مصابيح تنير وهي تحت التراب وثروات العلم تبقي وترفع الي عنان السماء وتنير قبر صاحبها
(إن الله لا يقبض العلم انتزاعاً ينتزعه من صدور الرجال، ولكن يقبض العلم بموت العلماء، فإذا لم يُبْقِ عالماً اتخذ الناس رؤوساً جهالا فسألوا فأفتوا بغير علم فضلوا وأضلوا»، وقد قال أهل العلم في قوله جل وعلا: {أولم يروا أنا نأتي الأرض ننقصها من أطرافها}
اللى فى الصور تحت يبقي
الدكتور حامد جوهر بتاع برنامج عالم البحار
وعشان كدا البوست دا عنه وعن حياته
مظنش هيشد ناس تقراه لان الراجل
لا كان ممثل ولا كان سياسي
كان راجل علم والعلم فى البلد دى
لا يكال بالبدنجان ياأستاذ
لو أنت من المتيمين بحب مسرحية العيال كبرت
كان سعيد صالح ألش عليه فى جملة مصاء الخير
من يومين احتفل جوجل بالراجل دا
اللى اجيال جت متعرفش عنه حاجة
ومحدش من جيلنا قال نعرف عنه ايه…..؟؟؟؟؟
الدكتور من أوائل الناس اللى دخلوا جامعة القاهرة
بعد ما اتعملت بفترة صغيرة
من الأجيال الاوائل فيها
والغريب بقي أنه دخل كلية الطب
قعد فيها سنة كان متفوق جدا
لكن سابها بمزاجه علشان يسحب ورقه
ويروح بيه كلية العلوم
اتخرج من علوم مع مرتبة الشرف الأولى
كان دحيح عصره مقبلش بوظيفة عادية
جنب البيت فى القاهرة لا سابها وراح
عاش في الغردقة في الثلاثينات
عشان يدرس علوم الأحياء البحرية
طبعا الغردقة في الثلاثينات كانت مكان نائي صحراء جرداء
كان أول واحد في مصر ياخد
الدكتوراه في علوم الأحياء البحرية
وصاحب فكرة إنشاء متحفين للأحياء المائية
واحد في الغردقة وواحد في السويس
مش بس كدة جانب العلم كان فى أدب
تخيل الراجل اللى سعيد صالح
اتريق على نطقه لكلمة مساء الخير
ده كان عضو مجمع اللغة العربية بداية من 1973
ومش عضو كدة وخلاص لأ
ده بوجوده كعضو مجمع اللغة
ده خلاهم يعملوا عدد من المعاجم العلمية
اشتغل فى مناصب استشارية
بالأمم المتحدة وجامعة الدول العربية
ووكالة الطاقة الذرية ومنظمة الأغذية والزراعة
ومنظمات دولية عديدة
برنامج عالم البحار استمر يتعرض 18 سنة
ومش بس كدة كان صديق شخصى لامبراطور اليابان
وكان بيدرس هناك فترة ويزود من علمه دايما
وأخيراً الدكتور حامد جوهر يبقي أخو
المذيع والفنان على جوهر اللى ظهر فى كذا فيلم
وكان بيقدم فى التلفزيون النشرة باللغة الإنجليزية
لأنه كان من أم بريطانية
وختاما كان اسمه دكتور حامد عبدالفتاح جوهر
عرفوا أولادكم على الناس دى
وبلاش تسمعوا كلام سمية الخشاب
عن التعليم والعلم لأن العلم باقى
حتى لو صاحبه مات
حتى لو حصل وبقي مادة للسخرية
لكن هتفضل العلوم اللى علمها لغيره
